ប្រ​ជាសហគមន៍​ខេត្ត​ស្ទឹង​ត្រែង​ ស្នើ​សុំពន្យារ​ពេលគម្រោង​សាកល្បង​ ប្រ​តិបត្តិ​ការ ទួរ​បឺន​ទី ១

ប្រភព ៖ RFI

វេទិកា​នៃអង្គការ​មិនមែន​រដ្ឋា​ភិបាល​ ស្តី​ពី​កម្ពុជា​ នៅព្រឹក​ថ្ងៃ​ទី ១៣ ខែកក្កដា​នេះ បានជួបប្រ​ជុំជាមួយ​ប្រ​ជាសហគមន៍​មកពី ២ភូមិ​នៅខេត្ត​ស្ទឹង​ត្រែង​ ដើម្បី​សម្តែង​នូវការព្រួយ​បារម្ភ​ពីផលប៉ះពាល់​ដែលបណ្តាល​មកពី​ទំនប់​វារី​អគ្គី​សនី​សេសាន​ក្រោម​ ២។ ការជួប​ប្រជុំ​គ្នា​នេះ ធ្វើ​ឡើង​បន្ទាប់​ពី គម្រោង​សាកល្បង​ ប្រ​តិបត្តិ​ការ​ ទួរ​បឺន​ទី ១​ នឹងត្រូវ​បើកដំណើរការ​នៅពេលឆាប់​ៗខាង​មុខ​នេះ​។

អត្ថ​បទ​ដោយ​ តាន់​ គឹមច័ន្ទវាសនា​ និង​ ទី​ កញ្ញា​

កញ្ញា​ ជឿន​ ស្រី​មុំ​ តំណាងសហគមន៍​ជនជាតិ​ដើម​ភាគតិច​ បាន​លើកឡើង​ពី ផលប៉ះពាល់​ក្នុង​ការប្រកប​របរ​ចិញ្ចឹម​ជីវិត​ ក្រោយ​ការចាកចេញ​ពីទីតាំងដើម​ និង​បញ្ហា​ដែល​ក្រុមហ៊ុន​មិនព្រម​ទទួល​យកការ​សម្រេច​ចិត្ត​របស់​ប្រជាសហគមន៍​។ ហេតុ​ដូច្នេះ​ កញ្ញា​បានស្នើ​សុំ​ឲ្យ​មានការយក​ចិត្ត​ទុក​ដាក់​ដោះស្រាយ​ តាមប្រជាពល​រដ្ឋ​ចង់បាន​។ លើសពីនេះទៅ​ទៀត​ នៅតំបន់ថ្មី​ គួរតែ​មានការ​អភិវឌ្ឍ​ហេដ្ឋា​រចនា​សម្ព័ន្ធ​ សាលារៀន​ និង​មន្ទីរ​ពេទ្យ​ ជាដើម​។

កញ្ញា​បានសំណូម​ពរបីចំណុច​ទៅកាន់​ភាគី​ពាក់ព័ន្ធ​ និង​ក្រុមហ៊ុន​ ដែល​ចូលរួម​ក្នុង​ការ​អភិវឌ្ឍ​ទំនប់នេះ​។ សំណូម​ពរទី​មួយ​ គឺសុំ​ពន្យារ​ពេល​មួយ​ខែ​ ដើម្បី​ពូកគាត់​ធ្វើការ​រើចេញ​ ហើយ​ផ្ដល់​ដំណោះ​ស្រាយ​សម​ស្រប​ ពោល​គឺ​ផ្ដល់​ទីទួល​សុវត្ថិ​ភាពទៅតាម​ជម្រើស​របស់​សហគមន៍​។ សំណូម​ពរទីពីរ​ គឺ​ ការ​ស្រង់​ទិន្នន័យ​នានា​ ដោយ​មានការ​ចូលរួម​ពីភាគី​ពាក់ព័ន្ធ​ទាំងអស់​ រួម​មាន​ អង្គការ​សង្គម​ស៊ីវិល​ ក្រុមហ៊ុន​ និង​សហគមន៍​ជនជាតិ​ដើមភាគតិច​មួយ​នេះ​។ រីឯ​ សំណូម​ពរ​ទីបី​ គឺ​ កញ្ញា​អំពាវនាវ​ឲ្យ​សប្បុរស​ជន​ ជួយ​ផ្ដល់​ស្បៀង​ ថ្នាំ​សង្កូវ​ សំភារៈ​ប្រើ​ប្រាស់​មួយចំនួន​ដែលអាច​ជួយ​ក្នុង​ការ​ជម្លៀស​ចេញ​របស់​ប្រជាសហគមន៍​។ ក្នុង​ករណី​ប្រជាសហគមន៍​ណាមិន​ព្រម​ចាកចេញ​ កញ្ញា​បាន​ស្នើ​សុំ​កុំ​ឲ្យ​ប្រើ​អំពើ​ហិង្សា​ដល់​ពួក​គាត់​ ដោយ​ស្នើ​អោយមានការ​ដោះស្រាយ​ដោយសន្តិវិធី​។

បន្ថែម​ពីនេះ​ ការ​ផ្លាស់​ប្ដូរ​ទីតាំង​របស់​សហគមន៏​ គឺជា​សកម្ម​ភាព​មួយ​ដែលធ្វើ​ឲ្យ​បាត់បង់​អត្ត​សញ្ញាណ​របស់​ជនជាតិ​ភាគតិច​ និងបាត់បង់​ដីសមូហភាព​របស់ជនជាតិដើម​ដែលបន្សល់​ពីដូនតាមក​។ នេះបើតាមប្រជាសហគមន៍​ដដែល។

ដូចគ្នាដែរលោក ឱម​ សាវ៉ាត​​ នាយក​ប្រតិបត្តិ​អង្គការ​សម្ព័ន្ធ​ភាព​ដើម្បី​អភិរក្ស​ធនធានជលផល​(Fact) បានថ្លែង​ដែរថា ការប្រែប្រួល​ធម្មជាតិ​ គឺជា​ក្ដី​បារម្ភ​បំផុត​ក្នុង​ការសាងសង់​ទំនប់វារី​អគ្គិ​សនី​សេសាន​ក្រោម​២នេះឡើង​។ លោក​បានបញ្ជាក់​ពីផលប៉ះពាល់​ថា​ ការ​ផ្លាស់​ប្ដូរ​ធម្មជាតិ​របស់​សហគមន៍​ឲ្យ​ក្លាយ​ជាតំបន់​អភិវឌ្ឍ​នេះ​ បណ្ដាល​ឲ្យ​មាន​បម្រែ​បម្រួល​ជីវសាស្ដ្រ​ ការ​ផ្លាស់​ប្ដូរ​ចរន្ត​ទឹក​ដែលអាច​ជះ​ឥទ្ធិ​ពលដល់​ដីល្បាប់​សម្រាប់​ជីវភាព​ប្រជាពលរដ្ឋ​ និងផលប៉ះពាល់ដល់​មច្ឆា​ជាតិ​ ជាពិសេស​នៅ​ក្នុង​រដូវ​ត្រី​ពង​។

គួររំលឹកថា ទំនប់​វារី​អគ្គិសនី​ សេសាន​ក្រោម​២ មាន​សក្តានុពល​ ៤០០​ មេហ្កាវ៉ាត់​ ដែល​បាន​សាងសង់​នៅ​ឆ្នាំ​២០១២​ ចំណាយ​ទឹកប្រាក់​សរុប​ ៨១៦ លានដុល្លារ​ វិនិយោគ​រួម​រវាង​ក្រុមហ៊ុន​រ៉ូយាល់​គ្រុប​របស់​លោក​ឧកញ៉ា​គិតម៉េង​ សហការ​នឹង​ក្រុមហ៊ុន​ចិន​ និង​វៀតណាម។ ​

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s