សង្គម​ស៊ីវិល​ទទូច​ឲ្យ​ឧទ្ធរណ៍​បដិសេធ​សាលក្រម​ផ្ដន្ទាទោស​អ្នកស្រី ទេព វន្នី

ប្រភព ៖ RFA

អង្គការ​សង្គម​ស៊ីវិល​ជាតិ និង​អន្តរជាតិ​ជិត ៣០​ស្ថាប័ន អំពាវនាវ​យ៉ាង​ទទូច​ដល់​សាលា​ឧទ្ធរណ៍ ឲ្យ​បដិសេធ​សាលក្រម​ផ្ដន្ទាទោស​អ្នកស្រី ទេព វន្នី និង​ដោះលែង​សកម្មជន​ដីធ្លី​រូប​នេះ​ឲ្យ​មាន​សេរីភាព​វិញ។ ការ​អំពាវនាវ​នេះ ធ្វើ​ឡើង​តាម​រយៈ​សេចក្តី​ថ្លែងការណ៍​រួម​មួយ​ចេញ​ផ្សាយ​នៅ​ថ្ងៃ​ទី​២៦ កក្កដា ខណៈ​សាលា​ឧទ្ធរណ៍​គ្រោង​បើក​សវនាការ​លើ​បណ្ដឹង​របស់​អ្នកស្រី ទេព វន្នី ប្រឆាំង​នឹង​សាលក្រម​របស់​តុលាការ​ក្រុង​ភ្នំពេញ នៅ​ព្រឹក​ថ្ងៃ​ទី​២៧ កក្កដា។

ក្រុម​អង្គការ​សង្គម​ស៊ីវិល បាន​ចាត់​ទុក​ការ​ផ្ដន្ទាទោស​អ្នកស្រី ទេព វន្នី ជុំវិញ​រឿង​ហិង្សា​ដោយ​ចេតនា​ក្បែរ​ផ្ទះ​នាយក​រដ្ឋមន្ត្រី គឺ​ជា​ការ​ផ្ដន្ទាទោស​ដោយ​អយុត្តិធម៌ ហើយ​ការ​ឃុំ​ខ្លួន​អ្នកស្រី​ជិត​មួយ​ឆ្នាំ​មក​នេះ គឺ​ជា​ការ​បំបិទ​សំឡេង​អ្នក​ការពារ​សិទ្ធិ​មនុស្ស​ដែល​ហ៊ាន​រិះគន់​មិន​សំចៃ​មាត់​នៅ​កម្ពុជា មុន​ការ​បោះឆ្នោត​ជាតិ​ឆ្នាំ​២០១៨ ចូល​មក​ដល់។

ក្រុម​អង្គការ​សង្គម​ស៊ីវិល​បញ្ជាក់​ថា ការ​តវ៉ា​ដោយ​សន្តិវិធី និង​សេរីភាព​បញ្ចេញ​មតិ មិន​មែន​ជា​បទល្មើស​នោះ​ទេ ហើយ​អ្នក​ការពារ​សិទ្ធិ​មនុស្ស​ក៏​មិន​គួរ​ត្រូវ​បាន​ដាក់​ទោស ដោយសារ​តែ​ការ​អនុវត្ត​សិទ្ធិ​សេរីភាព​ជា​មូលដ្ឋាន​ដោយ​សន្តិវិធី​នោះ​ឡើយ។

ក្រុម​អង្គការ​សង្គម​ស៊ីវិល​សង្ឃឹម​ថា សាលា​ឧទ្ធរណ៍​នឹង​ប្រើប្រាស់​ឯករាជភាព​របស់​ខ្លួន ស្វែងរក​យុត្តិធម៌​ជូន​អ្នកស្រី ទេព វន្នី ហើយ​ពួក​គេ​ក៏​សង្ឃឹម​ដែរ​ថា អាជ្ញាធរ​កម្ពុជា នឹង​បញ្ឈប់​ការ​ធ្វើ​ទុក្ខបុកម្នេញ​តាម​ផ្លូវ​ច្បាប់​លើ​សកម្មជន​រូប​នេះ៕

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s