ក្រុម​អង្គការ​សង្គម​ស៊ីវិល​បង្ហាញ​របាយការណ៍​ស្ដីពី​ការ​រឹតត្បិត​សេរីភាព​កាល​ពី​ឆ្នាំ​២០១៦

ប្រភព ៖ RFA

ក្រុម​អង្គការ​ស៊ីវិល​បី​ស្ថាប័ន​បាន​ចេញ​របាយការណ៍​ស្ដីពី​ការ​អង្កេត​របស់​ខ្លួន​ពេញ​មួយ​ឆ្នាំ​ក្នុង​ការ​អនុវត្ត​សេរីភាព​មូលដ្ឋាន​របស់​រដ្ឋាភិបាល។ របាយការណ៍​នោះ​លើក​ឡើង​ថា ច្បាប់​មួយ​ចំនួន​ដែល​បាន​ធ្វើ​ឡើង​ក្នុង​ឆ្នាំ​២០១៦ បាន​រឹតត្បិត​សិទ្ធិ​សេរីភាព​របស់​ពលរដ្ឋ។

ទន្ទឹម​នឹង​ការ​រក​ឃើញ​ថា សិទ្ធិ​សេរីភាព​ជា​មូលដ្ឋាន​របស់​ពលរដ្ឋ​ត្រូវ​រឹតត្បិត​កាល​ពី​២០១៦ កន្លង​ទៅ​នោះ របាយការណ៍​របស់​សង្គម​ស៊ីវិល​ក៏​រក​ឃើញ​ទៀត​ថា មនុស្ស ៩​នាក់ បាន​រត់​ចោល​ស្រុក​ទៅ​ក្រៅ​ប្រទេស​ព្រោះ​ភ័យខ្លាច​ការ​សង​សឹក ក្រោយ​ពួកគេ​ប្រើប្រាស់​សិទ្ធិ​សេរីភាព​របស់​ខ្លួន។

ក្រៅ​ពី​នេះ ក៏​មាន​ការ​រឹតត្បិត​លើ​សេរីភាព​នៃ​ការ​បញ្ចេញ​មតិ​តាម​រយៈ​រូបភាព​ផ្សេងៗ​ទៀត​ជា​ច្រើន ខណៈ​អ្នក​វិភាគ​នយោបាយ គណបក្ស​ប្រឆាំង និង​អ្នក​តវ៉ា​ផ្សេង​ទៀត ត្រូវ​ទទួល​បណ្តឹង​បទ​ចោទ​បរិហារកេរ្តិ៍ និង​បទ​ញុះញង់ និង​បទល្មើស​ផ្សេង​ជាដើម។

របាយការណ៍​កម្រាស​ជាង ១០០​ទំព័រ ចេញ​ផ្សាយ​កាល​ពី​ថ្ងៃ​ទី​១០ ខែ​សីហា មាន​ឈ្មោះ​ថា គម្រោង​ឃ្លាំមើល​សេរីភាព​មូលដ្ឋាន ត្រូវ​បាន​អង្គការ​សង្គម​ស៊ីវិល​ចំនួន​បី គឺ​មជ្ឈមណ្ឌល​សិទ្ធិ​កម្ពុជា​កម្ពុជា (CCHR) សមាគម​ការពារ​សិទ្ធិមនុស្ស​អាដហុក (ADHOC) មជ្ឈមណ្ឌល​អន្តរជាតិ​ដើម្បី​ច្បាប់​ដោយ​មិន​យក​កម្រៃ (ICNL) រួម​គ្នា​សិក្សា និង​ស្រាវជ្រាវ​ចាប់​ពី​ដើម​ខែ​មេសា ឆ្នាំ​២០១៦ ដល់​ចុង​ខែ​មីនា ឆ្នាំ​២០១៧។

មន្ត្រី​ជាន់​ខ្ពស់​ផ្នែក​សិទ្ធិមនុស្ស​នៃ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណ និយាយ​ថា របាយការណ៍​នេះ​គឺ​ជា​ការ​ចូល​រួម​ក្នុង​ការ​រិះគន់​ដើម្បី​រដ្ឋាភិបាល​ឲ្យ​មាន​ការ​កែលំអ។ លោក​បន្ត​ថា ការ​បង្ហាញ​របាយការណ៍ គឺ​ចង់​រំលឹក​ទៅ​រដ្ឋាភិបាល​ក្នុង​ការ​អនុវត្ត​ច្បាប់​គឺ​ផ្ដោត​ទៅ​លើ​សិទ្ធិ​សេរីភាព​ជា​មូលដ្ឋាន​របស់​មនុស្ស៖ «ច្បាប់​សព្វថ្ងៃ​ពេល​ខ្លះ​គឺ​បង្កើត​ទៅ​តាម​ចំណង​អ្នក​នយោបាយ មិន​មែន​បង្កើត​ផ្អែក​ទៅ​លើ​សិទ្ធិ​សេរីភាព​ជា​មូលដ្ឋាន»

អាស៊ីសេរី មិន​ទាន់​អាច​សុំ​ការ​ប្រតិកម្ម​ពី​អ្នក​នាំ​ពាក្យ​ទីស្ដីការ​គណៈរដ្ឋមន្ត្រី និង​មន្ត្រី​អ្នក​នាំ​ពាក្យ​គណបក្ស​ប្រជាជន​កម្ពុជា បាន​នៅ​ឡើយ​ទេ ថ្ងៃ​ទី​១០ ខែ​សីហា។

​លោក ស៊ឹង សែនករុណ ឲ្យ​ដឹង​ថា ក្រោយ​ចេញ​របាយការណ៍​លើក​ទី​១ នៃ​ឆ្នាំ​ទី​១ ក្រុម​អង្គការ​សង្គម​ស៊ីវិល នឹង​ចេញ​របាយការណ៍​នៅ​ឆ្នាំ​បន្ទាប់​ទៀត។

របាយការណ៍​ដដែល​លើក​ឡើង​ទៀត​ថា ការ​ធ្វើ​ច្បាប់​មួយ​ចំនួន​ក្នុង​ឆ្នាំ​២០១៦ កន្លង​ទៅ បាន​រឹតត្បិត​សិទ្ធិ​សេរីភាព​បញ្ចេញ​មតិ។ ច្បាប់​ទាំង​នោះ​បាន​ផ្ដល់​សិទ្ធិ​អំណាច​យ៉ាង​ច្រើន​ដល់​រដ្ឋាភិបាល និង​ដាក់​ទោស​ទណ្ឌ​ធ្ងន់ធ្ងរ​ចំពោះ​អ្នក​រំលោភ​បំពាន។ ភាសារ​មិន​ច្បាស់លាស់​ដែល​មាន​ចែង​ក្នុង​ច្បាប់​ទាំង​នោះ បង្កើត​នូវ​ហានិភ័យ​នៃ​ការ​អនុវត្ត​ច្បាប់​តាម​អំពើ​ចិត្ត៕

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

w

កំពុង​ភ្ជាប់​ទៅ​កាន់ %s