បុគ្គលិក​បរទេស​របស់​NDI​ចាកចេញ​ពី​កម្ពុជា​អស់​ហើយ​តាម​បញ្ជា​របស់​រដ្ឋាភិបាល

ប្រភព ៖ វិទ្យុអាស៊ីសេរី

បុគ្គលិក​បរទេស​នៃ​វិទ្យាស្ថាន​ជាតិ​ប្រជាធិបតេយ្យ (NDI) បាន​ចាកចេញ​ពី​កម្ពុជា អស់​ហើយ​តាម​ការ​កំណត់​ចុង​ក្រោយ​របស់​រដ្ឋាភិបាល គឺ​ថ្ងៃ​ទី​៣០ សីហា។

អតីត​មន្ត្រី​បម្រើ​ការងារ​នៅ​វិទ្យាស្ថាន​ជាតិ​ប្រជាធិបតេយ្យ ថ្លែង​ប្រាប់​អាស៊ីសេរី​នៅ​ថ្ងៃ​ទី​៣០ សីហា ថា ការិយាល័យ​វិទ្យាស្ថាន​ជាតិ​ប្រជាធិបតេយ្យ​ប្រចាំ​កម្ពុជា បាន​បិទ​ទ្វារ​ហើយ ហើយ​បុគ្គលិក​បរទេស​ទាំងអស់​នៃ​ស្ថាប័ន​នេះ ក៏​បាន​ចាកចេញ​ពី​កម្ពុជា អស់​ហើយ​ដែរ។

ការ​ឲ្យ​ដឹង​របស់​អតីត​មន្ត្រី NDI នេះ ក៏​ស្រប​ទៅ​នឹង​ការ​លើក​ឡើង​របស់​អគ្គនាយក​នៃ​អគ្គនាយកដ្ឋាន​អន្តោប្រវេសន៍​ក្រសួង​មហាផ្ទៃ លោក សុខ ផល ដែល​បាន​ប្រាប់​សារព័ត៌មាន​ក្នុង​ស្រុក​នៅ​ថ្ងៃ​ទី​៣០ សីហា ថា បុគ្គលិក​បរទេស​របស់ NDI បាន​ចាកចេញ​ពី​កម្ពុជា អស់​ហើយ។

ក្រសួង​ការ​បរទេស និង​សហប្រតិបត្តិការ​អន្តរជាតិ កាល​ពី​ថ្ងៃ​ទី​២៣ សីហា បាន​ប្រកាស​បញ្ឈប់​សកម្មភាព​របស់ NDI នៅ​កម្ពុជា បន្ត​ទៀត ដោយ​ចោទ​ថា NDI បំពេញ​ការងារ​នៅ​កម្ពុជា មិន​ស្រប​តាម​ច្បាប់​ស្ដីពី​សមាគម និង​អង្គការ​មិន​មែន​រដ្ឋាភិបាល និង​ច្បាប់​សារពើពន្ធ។ ទោះ​ជា​យ៉ាង​ណា ការ​ប្រកាស​បញ្ឈប់​សកម្មភាព​របស់ NDI នេះ ត្រូវ​រង​ការ​រិះគន់​យ៉ាង​ខ្លាំង​ពី​សហគមន៍​ជាតិ និង​អន្តរជាតិ ដែល​ចាត់​ទុក​ថា​ជា​យុទ្ធនាការ​នយោបាយ​របស់​រដ្ឋាភិបាល​មុន​ការ​បោះឆ្នោត​ជិត​ចូល​មក​ដល់៕

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s