UN ទាមទារឲ្យយោធាមីយ៉ាន់ម៉ាបញ្ឈប់ហិង្សាទុកឲ្យក្រុមមនុស្សធម៌បំពេញការងារ

ប្រភព ៖ VOD

អគ្គលេខាធិការអង្គការសហប្រជាជាតិ លោក​ Antonio Guterres បានលើកឡើងថា ក្រុមការងារមនុស្សធម៌ជួយជនជាតិភាគតិចនៅមីយ៉ាន់ម៉ា ប្រឈមគ្រោះថ្នាក់ ដោយសារតែក្រុមយោធារបស់ រដ្ឋាភិបាលនៅតែបន្ត ប្រតិបត្តិការបង្ក្រាបលើជនជាតិភាគតិច។​

លោក​បានទាមទារឲ្យមីយ៉ាន់ម៉ាត្រូវ បញ្ឈប់ប្រតិបត្តិការបង្ក្រាប ដោយបង្កភាពងាយស្រួលដល់ក្រុម​ការងារ មនុស្សធម៌ចូលទៅបំពេញការងាររបស់ពួកគេនៅទីនោះដោយមិនបារម្ភពីគ្រោះថ្នាក់ផ្សេងៗដែលកើតមានឡើង។​ នេះជាការថ្លែងរបស់អគ្គលេខាធិការអង្គការសហប្រជាជាតិកាលពីម្សិលមិញ នៅក្នុងពេលប្រជុំក្រុមប្រឹក្សា សន្តិសុខនៃអង្គការសហប្រជាជាតិ​។​

ជនជាតិភាគតិចរ៉ូហ៊ីងយ៉ាប្រមាណ​៥០០ ០០០នាក់ បាននាំគ្នាជម្លៀសចេញពីរដ្ឋរ៉ា ឃីននៅក្នុង ប្រទេសមីយ៉ាន់ម៉ា ចូលទៅក្នុងប្រទេសបង់ក្លាដេស។ ​ហេតុការណ៍កើតឡើង​ ដោយសារដំបូងឡើយក្រុមតស៊ូត រ៉ាឃីតបានវាយប្រហារប៉ុស្តិ៍របស់នគរបាល ហើយត្រូវបានពួកយោធាបើកយុទ្ធ នាការបង្ក្រាបវិញកាលពី ខែសីហាកន្លងទៅ។​

លោក Guterres ថ្លែងថា សកម្មភាពនេះ មិនអាចទទួលយកបានទេ ហើយលោក​ទាមទារឲ្យមានការបញ្ឈប់​ជាបន្ទាប់ ហើយរកដំណោះស្រាយតាមមធ្យោបាយផ្សេង។​

សហគមន៍អន្តរជាតិបានចោទថា រដ្ឋាភិបាលមីយ៉ាន់ម៉ា កំពុងតែធ្វើសកម្មភាព បំបាត់ជនជាតិរ៉ូហ៊ីងយ៉ានៅ ក្នុងប្រទេសនេះ ប៉ុន្តែខាងកម្លាំងយោធាអះអាងថា ពួកគេមិនបានបង្ក្រាបលើជនស៊ីវិលនោះទេគឺ វាយប្រហារ តែលើក្រុមបោះបោរតែប៉ុណ្ណោះ។ រដ្ឋាភិបាលមីយ៉ាន់ម៉ា បដិសេធថា ជនជាតិភាគតិចរ៉ូហ៊ីងយ៉ា មិនមែនជាជនជាតិ​មីយ៉ាន់ម៉ានោះទេ។​

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s