ក្រសួងថាកម្ពុជានឹងមាន​ជំនន់ទឹកភ្លៀងច្រើនកន្លែងពីថ្ងៃទី១៥ដល់១៩តុលា

ប្រភព៖ សំឡេងប្រជាធិបតេយ្យ

ទឹកជំនន់ដោយសារភ្លៀងខ្លាំង (ដោយ មាស មុនី)

ក្រសួងធនធានទឹកនិង​ឧតុនិយមថា កម្ពុជាអាចនឹងមានជំនន់ទឹកភ្លៀងច្រើនកន្លែងក្នុងតំបន់ទំនាបកណ្ដាល និង​ខ្ពង់រាប ដោយសាររងឥទ្ធិពលសម្ពាធទាបនៃព្យុះឈ្មោះ «ខាណុន» គ្រប់ដណ្តប់លើប្រទេសចាប់ពីថ្ងៃទី១៥ដល់ ថ្ងៃទី១៩ខែតុលា។​

ក្រសួងធនធានទឹកបានចេញសេចក្ដីជូនដំណឹងចុះថ្ងៃទី១៣ ខែតុលា ស្ដីពីស្ថានភាពនិងឥទ្ធិពលរបស់ព្យុះទី២០ ឈ្មោះថា ខាណុន ដោយថាព្យុះនេះវិវត្តន៍ពីសម្ពាធទាបដែលបានកើតឡើងនៅលើមហាសមុទ្រប៉ាស៊ីហ្វិកនិងកំពុង​ស្ថិត​នៅលើភាគខាងជើងនៃប្រទេសហ្វីលីពិន។

ក្រសួងបន្តថានៅពេលព្យុះខាណុនចូលដល់សមុទ្រចុនខាងត្បូងនឹងបង្កើតឥទ្ធិពលទៅជាព្យុះទីហ្វុង រួចបន្តដំណើ​ទៅទិសខាងលិចក្នុងល្បឿន ១២០ គីឡូម៉ែត្រក្នុងម៉ោង រួចឆ្លងកាត់កោះហៃណាំ និងរំកិលចូលទៅឈូងសមុទ្រកឹង​ប្រទេសវៀតណាម ហើយបន្តដំណើរដល់ឆ្នេរប្រទេសវៀតណាមភាគកណ្ដាល ដែលធ្វើឲ្យកម្ពុជាទទួល​ឥទ្ធិពល​សម្ពាធ​ទាបពីព្យុះនេះ។

ក្រសួងបន្ថែមថាចាប់ពីថ្ងៃទី ១៧ ដល់ថ្ងៃទី ១៩ ខែតុលានេះតំបន់ទំនាបកណ្ដាល និង តំបន់ខ្ពង់រាប មានភ្នំពេញ ខេត្តកណ្ដាល កំពង់ស្ពឺ ព្រៃវែង ស្វាយរៀង កំពង់ចាម ត្បូងឃ្មុំ និង ក្រចេះ អាចនឹងមាន​ភ្លៀងធ្លាក់រាយប៉ាយ​ក្នុង​កម្រិត​ពីបង្គួរទៅច្រើន និង​ ពីមធ្យមទៅបង្គួរ ដែលបណ្ដាលឲ្យមានជំនន់ទឹកភ្លៀងច្រើនកន្លែង។

ក្រសួងក៏លើកឡើងដែរថាសម្រាប់តំបន់សមុទ្រអាចនឹងមានភ្លៀងធ្លាក់ពីមធ្យមទៅច្រើនចាប់ពីថ្ងៃទី ១៥ ដល់ថ្ងៃទី ១៨ ខែតុលាខាងមុខ ដែលធ្វើឲ្យផ្ទៃសមុទ្រអាប់អួរ អាចនឹងមានភ្លៀងធ្លាក់ច្រើន ខ្យល់បក់បោកខ្លាំងជាមួយនឹងរលក​សមុទ្រខ្ពស់ៗ៕

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s