អាជ្ញាធរឃុំនៅស្វាយរៀង រារាំងការបង្រៀនពលរដ្ឋឲ្យចិញ្ចឹមមាន់ សួររកច្បាប់ពីថ្នាក់ខេត្ត​

ប្រភព៖ សំឡេងប្រជាធិតេយ្យ

អាជ្ញាធរឃុំមួយនៅក្នុងស្រុករមាសហែក ខេត្តស្វាយរៀង នៅថ្ងៃសៅរ៍នេះ​ បានរារាំងដល់កម្មវិធីរបស់អង្គការកសិកម្ម ដែលបង្រៀនឲ្យកសិករឲ្យចេះចិញ្ចឹមមាន់ ហើយបានតម្រូវឲ្យសហគមន៍ត្រូវសុំច្បាប់ពីថ្នាក់ខេត្ត និង​ថ្នាក់ស្រុកជាមុនសិន​ ទើបអាចបន្តការបណ្តុះបណ្តាល​បាន។​

(FB: Prim Houn)

​មន្ត្រីសម្របសម្រួលផ្នែកកសិកម្មនៃសម្ព័ន្ធសហគមន៍កសិករកម្ពុជា លោក ជុំ កុសល ថ្លែងថា នៅពេលដែលជួបជាមួយកសិករចំនួន​២៥នាក់​ក្នុងឃុំអំពិល​នៅថ្ងៃនេះ ក៏មានអាជ្ញាធរភូមិឃុំ និងសមត្ថកិច្ចផង រារាំងមិនឲ្យមានការការបណ្តុះបណ្តាលទេ ដោយតម្រូវឲ្យមានការសុំច្បាប់ពីថ្នាក់ខេត្តជាមុនសិន។​ លោកបន្តថា ពេលនេះក្រុមការងាររបស់លោកត្រូវផ្អាកការងារសិន​ ដែលអាចប៉ះពាល់ការអនុវត្តគម្រោងនិងប្រយោជន៍ពលរដ្ឋ។​

លោកថ្លែងថា៖ «ពេលដែលគាត់ធ្វើចឹង ប៉ះពាល់ដល់ការអនុវត្តគម្រោងរបស់យើង ហើយម្យ៉ាងអ្វីដែលយើងចង់ជួយពលរដ្ឋក៏មិនបានដូចអ្វីដែលយើងចង់ជួយដែរ»។​

អង្គការសម្ព័ន្ធសហគមន៍កសិករកម្ពុជាបានធ្វើសកម្មភាពរយៈពេល៣ឆ្នាំមកហើយ ក្នុងការជួយដល់កសិករឲ្យចេះបច្ចេកទេសដាំបន្លែនិងចិញ្ចឹមសត្វ។ គម្រោងបង្រៀនបច្ចេកទេសចិញ្ចឹមមាន់នេះក្រោយពេលរៀនចប់​រយៈពេលបីថ្ងៃអង្គការមានផ្តល់ជាថវិកាមួយចំនួន​ដើម្បីជួយទិញសម្ភារធ្វើទ្រុងនិងទិញពូជមាន់​៕

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s