អាជ្ញាធរនិងអាជីវកររួមគ្នាកែសម្រួលប្រព័ន្ធលូនៅក្រុងច្បារមន និងសុំអោយពលរដ្ឋចូលរួមផ្នែកបរិស្ថាន

ប្រភព ៖ CNC

កំពង់ស្ពឺ៖ កាលពីពេលថ្មីៗនេះ សាលាក្រុងច្បារមន និងម្ចាស់សិប្បកម្មផលិតទឹកកកច្បារមន បានឈូសឆាយសំអាតដីតាមផ្លូវស្របមាត់ស្ទឹងព្រែកត្នោត ដើម្បីដាក់លូរចំរោះទឹកពីផ្ទះប្រជាជនក្នុងភូមិពាណិជ្ជកម្ម ក្រុងច្បារមន ខេត្តកំពង់ស្ពឺ ពីចំណុចជិតគល់ស្ពានផ្សារចាស់ មកខាងលិចផ្សារកំពង់ស្ពឺ ។

លោក ហុក ម៉ារ៉ាឌី អភិបាលក្រុងច្បារមនបានអោយដឹងថា សព្វថ្ងៃនេះប្រជាពលរដ្ឋមួយចំនួនបានរស់នៅបែបអនាធិតេយ្យ មានផ្ទះតូច ធំបានសង់លើដីចំណីស្ទឹង បង្ហូរទឹកបង្គន់ ចិញ្ចឹមសត្វ មាន់ ទា ជ្រូក និងកាកសំណល់ផ្ទះបាយ បង្ហូរចូលទឹកស្ទឹងព្រែកត្នោត បំពុលបរិស្ថានធ្វើអោយ ខូចសុខភាព ខូចសោភ័ណ្ឌភាពក្រុង និងប៉ះពាល់សុខភាពមនុស្សសត្វ ដែលប្រជាជនកំពុងរស់នៅផ្នែកខាងក្រោមៗ យកទឹកពីស្ទឹងនេះមកប្រើប្រាស់ និងទទួលទានជាដើម ។

ជាក់ស្តែង ស្ថានីយ៍ទឹកស្អាតផ្នែកខាងក្រោមដែលកំពុងបូមទឹកស្ទឹងនោះមកច្រោះ រួចចែកចាយប្រើប្រាស់ពេញក្រុងច្បារមន រងផលប៉ះពាល់រំខានធ្ងន់ធ្ងរពីបញ្ហាបង្ហូរទឹកកខ្វក់ខាងលើនោះ។ ឃើញទង្វើបែបនេះទើបសាលាក្រុងច្បារមននិងម្ចាស់អាជីវកម្មទឹកកក មកឈូស
ឆាយចាក់ដីបំពេញធ្វើលូចំរោះ សម្រួលប្រព័ន្ធលូដើម្បីចូលរួមថែរក្សាសុខភាព និងបរិស្ថានជូនសាធារណៈជន ព្រោះអីអ្នកធ្វើអោយខូចសោភ័ណ្ឌភាព និងខូចបរិស្ថានមានតិចតួចគ្រួសារ ហើយអ្នកទទួលរងការប៉ះពាល់មានច្រើនលើសលប់ ។

អញ្ចឹងទេក្នុងនាមអាជ្ញាធររដ្ឋបាលក្រុងច្បារមន សូមអំពាវនាវដល់ពលរដ្ឋដែលកំពុងប្រព្រឹត្តកែប្រែសកម្មភាពមិនល្អ ចូលរួមរក្សាអនាម័យ បរិស្ថានឡើងវិញដើម្បីប្រយោជន៍រួម បន្ទាប់ពីការកែសម្រួលនូវប្រព័ន្ធចំរោះ និងប្រព័ន្ធលូនេះហើយ ៕ អត្ថបទ ៖ សុភា

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s